17  სექტემბერს გაიმართა 2020/2021 სეზონის ევროპა ლიგის მეორე საკვალიფიკაციო ეტაპის საფეხბურთო მატჩი, სადაც ერთმანეთს ეასპარეზებოდა თბილისის „ლოკომოტივი“ და მოსკოვის „დინამო“. ანგარიში 2:1 დასრულდა „ლოკომოტივის“ სასარგებლოდ. 

მსოფლიოში მიმდინარე პანდემიის გამო თამაშმა სტადიონზე გულშემატკივრის გარეშე ჩაიარა. მატჩის ტრანსლირება მოხდა ”სილქ იუნივერსალზე“ და ის წუთში საშუალოდ 45 ათასმა მაყურებელმა ნახა. ტრანსლირება 2 საათი და 4 წუთი მიმდინარეობდა. მატჩის მსვლელობისას მთლიანი სატელევიზიო ყურების  9% მიმართული იყო „სილქ იუნივერსალზე“.

ევროპა ლიგის მეორე საკვალიფიკაციო ეტაპის საფეხბურთო მატჩის მსვლელობისას თბილისის სატელევიზიო ყურების  9%, ხოლო რეგიონის სატელევიზიო ყურების 10% მიმართული იყო "სილქ იუნივერსალზე". რაც შეეხება მატჩის აუდიტორიის ასაკობრივ გადანაწილებას, ყველაზე მეტი მაყურებელი მას 18-44 წლის ასაკობრივ ჯგუფში ჰყავდა. თამაშის სატელევიზიო აუდიტორიის  74%-ს კაცები შეადგენდნენ, ხოლო26%-სკი ქალბატონები.

მონაცემები ემყარება  თბილისისა და საქართველოს 6 დიდი ქალაქის (რუსთავი, გორი, ბათუმი, ქუთაისი, ზუგდიდი, ფოთი) პანელს, სადაც კომპანია „ტრი მედია ინტელიჯესი“ ახდენს ყურებადობის გაზომვას. მონაცემები აღებულია 18 წელს ზემოთ მოსახლეობისგან სტუმრებისა და დროში წანაცვლებული ყურების გათვალისწინებით.