20 თებერვალს, „საზოგადოებრივი მაუწყებლის პირველი არხის“ ეთერში საერთაშორისო მუსიკალური მეგაშოუ „ვოისი“ დაიწყო. მეგაშოუს ჟიურის წევრები არიან მუსიკოსები: სტეფანე, ნიაზ დიასამიძე, ნიკოლოზ რაჭველი და სალიო.

„ვოისი“ საღამოს 10 საათზე დაიწყო და ის წუთში საშუალოდ 50 ათასმა მაყურებელმა ნახა. მეგაშოუს მიმდინარეობისას მთლიანი სატელევიზიო ყურების 9% მიმართული იყო „საზოგადოებრივი მაუწყებლის პირველ არხზე“. 

„ვოისის“ პირველი გადაცემის მსვლელობისას თბილისის სატელევიზიო ყურების 10%, ხოლო რეგიონის სატელევიზიო ყურების 8% მიმართულიიყო „საზოგადოებრივი მაუწყებლის პირველ არხზე“. რაც შეეხება მეგაშოუს ასაკობრივ გადანაწლებას, ყველაზე მეტი, 18 ათასი მაყურებელი მას 18-44 წლის ქალების ასაკობრივ ჯგუფში ჰყავდა. „ვოისის“ სატელევიზიო აუდიტორიის 66%-ს ქალები შეადგენდნენ, ხოლო 34%-ს - კაცები.

მონაცემები ემყარება თბილისისა და საქართველოს 6 დიდი ქალაქის  (რუსთავი, გორი, ბათუმი, ქუთაისი, ზუგდიდი, ფოთი) პანელს, სადაც  კომპანია „ტრი მედია ინტელიჯენსი“ ახდენს ყურებადობის გაზომვას. მონაცემები აღებულია 18 წლის ზემოთ მოსახლეობისგან სტუმრებისა და დროში წანაცვლებული ყურების გათვალისწინებით.