გუშინ, 28 მარტს „საზოგადოებრივი მაუწყებლის პირველი არხის“ ეთერში გავიდა 2022 წლის მსოფლიო ჩემპიონატის შესარჩევი მატჩი ფეხბურთში საქართველო-ესპანეთი. უნდა აღინიშნოს, რომ  პანდემიის განმავლობაში სტადიონზე გულშემატკივრის დასწრება პირველად იყო ნებადართული. ანგარიში დასრულდა 1:2, ესპანეთის გუნდის სასარგებლოდ. 

მატჩი საღამოს 8 საათზე დაიწყო და ის წუთში საშუალოდ 188 ათასმა მაყურებელმა ნახა. მატჩის მიმდინარეობისას მთლიანი სატელევიზიო ყურების 34% მიმართული იყო „საზოგადოებრივი მაუწყებლის პირველ არხზე“.

საქართველო-ესპანეთის მატჩის მსვლელობისას თბილისის სატელევიზიო ყურების 34%, ხოლო რეგიონის სატელევიზიო ყურების 35% მიმართული იყო „საზოგადოებრივი მაუწყებლის პირველ არხზე“. რაც შეეხება მატჩის ასაკობრივ გადანაწილებას, ყველაზე მეტი, 34% მაყურებელი მას 65 წელს ზემოთ კაცების ასაკობრივ ჯგუფში ჰყავდა. მატჩის სატელევიზიო აუდიტორიის 60%-ს კაცები შეადგენდნენ, ხოლო 40%-ს - ქალები.

მონაცემები ემყარება თბილისისა და საქართველოს 6 დიდი ქალაქის  (რუსთავი, გორი, ბათუმი, ქუთაისი, ზუგდიდი, ფოთი) პანელს, სადაც  კომპანია „ტრი მედია ინტელიჯენსი“ ახდენს ყურებადობის გაზომვას. მონაცემები აღებულია 18 წელს ზემოთ მოსახლეობისგან სტუმრებისა და დროში წანაცვლებული ყურების გათვალისწინებით.