28 იანვარს ტელეკომპანია „რუსთავი 2“-ის საღამოს ეთერში გავიდა ამერიკული “The Ellen’s Show”-ს ქართული ანალოგის „ურუსკესი შოუს“ პირველი გადაცემა, რომლის წამყვანია რუსკა მაყაშვილი.

„ურუსკესი შოუ“ საღამოს 10 საათზე დაიწყო და ის წუთში საშუალოდ 30 ათასმა მაყურებელმა ნახა. მისი მიმდინარეობისას სატელევზიო ყურების 6% მიმართული იყო ტელეკომპანია „რუსთავი 2“-ზე.

გადაცემა თბილისში წუთში საშუალოდ 23 ათასმა, ხოლო რეგიონში წუთში საშუალოდ 7 ათასმა მაყურებელმა ნახა. რაც შეეხება ასაკობრივ გადანაწილებას, პროცენტულად ყველაზე მეტი მაყურებელი - 6%, მას 45-64 წლის ქალების ასაკობრივ ჯგუფში ჰყავდა. „ურუსკესი შოუს“ სატელევიზიო აუდიტორიის 70%-ს ქალები შეადგენდნენ, ხოლო 30%-ს - კაცები.

მონაცემები ემყარება თბილისისა და საქართველოს 6 დიდი ქალაქის  (რუსთავი, გორი, ბათუმი, ქუთაისი, ზუგდიდი, ფოთი) პანელს, სადაც  კომპანია „ტრი მედია ინტელიჯესი“ ახდენს ყურებადობის გაზომვას. მონაცემები აღებულია 18 წელს ზემოთ მოსახლეობისგან სტუმრების ადა დროში წანაცვლებული ყურების გათვალისწინებით.