ტელეკომპანია „რუსთავი 2“ 2022-2023 წლის ახალი სეზონით აგრძელებს მაუწყებლობას. 11 სექტემბერს ეთერში ახალი ქართული სერიალი „ბამბის აღმართი“ გავიდა, რომლის რეჟისორი კახა შარტავაა. სერიალი დრამატული ჟანრისაა, საშუალოდ 30 წუთიანია და მას მაყურებელი ყოველ შაბათ-კვირას საღამოს 10 საათზე იხილავს. გუშინ ეთერში 2 სერია გავიდა და ორივე წუთში საშუალოდ 28 ათასმა 18 წელს გადაცილებულმა მაყურებელმა ნახა. სერიების მიმდინარეობისას სატელევიზიო ყურების 8% იყო მიმართული „რუსთავი 2“-ზე.   

„ბამბის რიგის“ სერიები თბილისში წუთში საშუალოდ 21 ათასმა, ხოლო რეგიონში წუთში საშუალოდ 13 ათასმა მაყურებელმა ნახა. რაც შეეხება ასაკობრივ გადანაწილებას, ყველაზე მეტი მაყურებელი - 26%, მას 63 წელს გადაცილებულ ქალების ასაკობრივ ჯგუფში ჰყავდა, ხოლო ყველაზე ნაკლები - 5%, იგივე ასაკის კაცების კატეგორიაში. სერიალის სატელევიზიო აუდიტორიის 67%-ს ქალები შეადგენდნენ, ხოლო 27%-ს - კაცები.

მონაცემები ემყარება თბილისისა და საქართველოს 6 დიდი ქალაქის  (რუსთავი, გორი, ბათუმი, ქუთაისი, ზუგდიდი, ფოთი) პანელს, სადაც  კომპანია „ტრი მედია ინტელიჯესი“ ახდენს ყურებადობის გაზომვას. მონაცემები აღებულია 18 წელს ზემოთ მოსახლეობისგან სტუმრებისა და დროში წანაცვლებული ყურების გათვალისწინებით.