„მთავარ არხზე“ დახურვის შემდეგ, „ვანოს შოუ“ 23 სექტემბერს პირველი გადაცემით „ტვ პირველზე“ გავიდა. იუმორისტული გადაცემა იგივე დროს, პარასკევს, 22:00 საათზე დაიწყო. 

„ტვ პირველზე“ გასულ პირველი სეზონის პირველ გადაცემას წუთში საშუალოდ 42 ათასმა მაყურებელმა უყურა. გადაცემის მიმდინარეობისას მთლიანი სატელევიზიო ყურების 9% მიმართული იყო „ტვ პირველზე“, მაშინ როდესაც, „მთავარ არხზე“  2021 წლის 10 სექტემბერს გასულ ბოლო სეზონის პირველ გადაცემას წუთში საშუალოდ 108 ათასი მაყურებელი ჰყავდა და სრული სატელევიზიო ყურების 26% იყო მიმართული „მთავარ არხზე“. 

„მთავარი არხის“ შექმნამდე კი „ვანოს შოუ“ „რუსთავი 2“-ზე გადიოდა და იქაც არხის მთავარ იუმორისტულ შოუს წარმოადგენდა. „რუსთავი 2“-ზე 2018 წლის 14 სექტემბერს გასულ ბოლო სეზონის პირველ გადაცემას წუთში საშუალოდ 189 ათასმა მაყურებელმა უყურა.

23 სექტემბერს „ტვ პირველზე“ გასული გადაცემის მაყურებელთა გადანაწილება თბილისსა და რეგიონს შორს თითქმის თანაბარი იყო: გადაცემის მაყურებელთა 52% თბილისის წარმომადგენელი იყო, ხოლო 48% - რეგიონის. რაც შეეხება გადაცემის მაყურებელთა ასაკობრივ განაწილებას, როგორც აღმოჩნდა, ყველაზე მეტი, მაყურებელთა 27% არხს 18-44 წლამდე კაცები კატეგორიაში ჰყავდა, ხოლო ქალების შემთხვევაში, ყველაზე მაღალი  პროცენტული მაჩვენებელი 20% - 45-62 ასაკობრივ კატეგორიაში.

მონაცემები ემყარება თბილისისა და საქართველოს 6 დიდი ქალაქის (რუსთავი, გორი, ბათუმი, ქუთაისი, ზუგდიდი, ფოთი) პანელს სადაც კომპანია „ტრი მედია ინტელიჯენსი“ ზომავს სატელევიზიო ყურებას. მონაცემები აღებულია 18 წელს ზემოთ მოსახლეობისგან, სტუმრებისა და დროში წანაცვლებული ყურების გათვალისწინებით